ازاي تعلي الـperformance في الـwebsite الـWordPress بتاعك
الموضوع بيتم في 3 خطوات
بنعمل minify لكل files الـCSS و الـJS
( الـminify دة هو انك بتمسح كل الـspaces و الـbreak lines الي موجودة في الـfile فبتقلل مساحته كام KB فبالتالي بتقلل وقت الـloading و بيخلي الـbrowser يقراء الـfile من الـserver بسرعة و دة بردو بيقلل وقت الـloading )
في plugins كتير بتعملك الـminify بطريقة auto زي w3 total cache و wp rocket بس انا بفضل انك تعملها manual بايدك عشان تتجنب اي اخطاء ممكن تحصل .. طب تعملها بأيدك ازاي ؟
عندك الـwebsite اللطيف الي اسمه cleancss بتفتح الـfile تعمل select all و تاخده copy و تعمله past في cleancss و تدوس minify و تاخد الـresult الي طلعلك copy و ترجعه في الـfile تاني
دة link الـminify للـCSS هنا : https://www.cleancss.com/css-minify/
دة link الـminify للـJS هنا : https://www.cleancss.com/javascript-minify/
بنعمل compress للصور
و دي بتبقا على مرحلتين
الاولى انك بتقلل حجم الصور على قد المقاس المطلوب بالظبط يعني لو الصورة دي هتظهر في الـwebsite في مساحة 300×300 pixel اعملها resize بالحجم دة و دة ممكن تعمله manual بـphotoshop او اي photo editor بس انا في الحالة دي بحب استخدم plugins زي wp optimize عشان توفر عليا وقت لو الصور في الـwebsite كتير
المرحلة التانية انك بتـconvert الصور لـformat اسمه webp و دة بيحافظ على resolution الصورة و في نفس الوقت بيقلل حجمها و بيخليها تتقري بسرعة على الـbrowser و الخطوة دي ممكن تعملها manual من website اسمه convertio و ممكن تعملها auto من plugins زي WebP Express و Smush
دة لينك convertio تقدر تـconvert الصور لـwebp من هنا : https://convertio.co/jpg-webp/
نظبط الـcaching في الـwebsite
طب ايه الـcache دة اصلاً ؟ .. الـcache بأختصار هو ان الـbrowser بيعمل save لـfiles الـCSS و الـJS عندك طب ليه بيعملهم save و ازاي اصلاً ؟ .. انت لما بتدخل اول مرة على الـwebsite بياخد مثلاً 3 ثواني عشان يـload ساعتها هو بيعمل download للـfiles بتاعت الـwebsite عشان تقدر تشوف الـwebsite و في بعض الـfiles بتبقا متكررة في معظم الصفحات فانت بتخلي الـfiles دي يتعملها save عشان ميتعملهاش reloading في كل صفحة و لما تروح لصفحة تانية او تقفل الـwebsite اصلاً و تفتحه تاني بتلاقيه بيـload في اقل من ثانية و بس يا سيدي هو دة الـcaching
طب عرفنا ايه هو الـcaching نعمله ازاي بقا .. شرح الموضوع ازاي يتعمل manual هيبقا صعب و معقد شوية فانت ممكن تريح دماغك و تستخدم plugins زي w3 total cache او wp rocket و هتلاقي الفرق كبير جداً و ملحوظ في الـloading و performance الـwebsite
ان شاء الله هيبقا في post للـSEO قريب و هيبقا في تفاصيل كتير و tricks كتير
اتمنى تكونو استفادتو من كلامي و لو عجبتك فكرة #ليه_ووردبريس يا ريت تشاركني رأيك
